"Табиғатты қорғау-болашақты ойлау"

Бүгін қаламызда "Жайық-Каспий экологиялық" департаменті мен "Жас эколог" жастар бірлестігінің ұйымдастыруымен кезекті конференция болып өтті. "Табиғатты қорғау-болашақты ойлау" атты кезекті шараға қала мен облыс аудандарындағы барлық арнаулы және орта оқу орындарының жастары тартылған.

Конференция барысында олар "Табиғатты бағала да аяла", "Арал тағдыры- адам тағдыры", "Адамзаттың табиғатсыз күні жоқ" тақырыбында экологияның ақсап тұрған тұстарын арқау еткен өз баяндамаларын оқыды. 1 сағаттан астам уақытқа созылған шараның екінші жартысында, жиналған көпшіліктің назарына еліміздегі экологиялық проблемалар бейнеленген шағын бейнеролик ұсынылды. Кейін сарапшылар жоғарыда аталған баяндамалардың қорытындысын шығарып, конференцияның бірінші кезеңінде жастармен салынған табиғат суреттерінің жеңімпаздарын жариялады.

Аягөз Еділбай
ТИТР: студент
Бүгін міне табиғат тақырыбын арқау етіп, әрқайсымыз әр бөлек проблемаға өз баяндамаларымызды жазып алып келдік. Оны эколог мамандар алдында оқып, көпшіліктің көңіліне ұсындық. Менің ойымша,өзіміз өмір сүріп отырған қоршаған ортамыз, яғни экологиямыз ересектерді ғана емес, жастарды да толғантуы тиіс. Өйткені табиғатсыз адамның расымен-ақ күні жоқ...))