Мәскеуде «Наурыз банк» АҚ басқармасының бұрынғы төрағасы ұсталды

Қыруар қаржыны жымқырып, шетелде соңғы бес жылдан бері бой тасалап жүрген банкирді қазір елге экстрадициялау мәселесі қаралып жатыр. Естеріңізге, сала кетейік, 2005 жылы «Наурызбанк» банкрот деп жарияланып, оның басшыларының үстінен қылмыстық іс қозғалған болатын.

МӘТІН: «Наурыз банктің» бұрынғы төрағасына банк қаржысын оффшорлық компанияларға заңсыз аударды, - деген бап бойынша айып тағылып отыр. Ал сан түрлі құйтырқы әрекеттері арқылы Оразалы Ержанов сыбайластарымен бірігіп, 3,4 млд. теңгені қалталарына басқан.

СНХ - МҰРАТ ЖҰМАНБАЙ - ҚАРЖЫ ПОЛИЦИЯСЫНЫҢ РЕСМИ ӨКІЛІ

МӘТІН: Бұл істің тергелуін бас прокуратура назарда ұстамақ. Ал бүгін аталмыш құзырлы органда өткен баспасөз мәслихатында қаржы ұрлауға қатысты тағы бір дерек жария етілді. Мәселен, Алматыдағы жеке серіктестіктің банктегі шотынан алаяқтар 93 млн теңгені жымқырып кеткен. Ірі сомасынан көз жазып қалған кәсіпкер дереу құқық қорғау органдарына шағым түсіреді. Ал кейін бұл алаяқтыққа осы істі қарап жатқан тергеушінің қатысы бар екендігі анықталды.

СНХ: НҰРДӘУЛЕТ СҮЙІНДІКОВ - ҚР БАС ПРОКУРАТУРАСЫНЫҢ РЕСМИ ӨКІЛІ
МӘТІН: Сондай-ақ, Нұрдәулет Сүйіндіковтың хабарлауынша, қазіргі таңда «Қарашығанақ Петролиум» компаниясын бас прокуратура жоспарлы түрде тексеріп жатыр. Қадағалау шарасы - мұнай-газ кенішіндегі еңбек және көші-қон заңдылықтарының қаншалықты орындалып жатқанын анықтауы тиіс. Оның қортындысын прокуратура алдағы уақыттта жария етпекші.