"ҚазтрансгазАймақ" өз тұтынушыларына газ қондырғыларына көрсетілген техникалық қызмет үшін ақы төлеуді талап етуде

Алайда, монополияларға қарсы инспекция мамандары бұл қызметтің заңсыз екенін жария қылды. Яғни, ешбір мекеме тұрғындардан мұндай қызмет түрі үшін алдын ала төлемақы жасауды талап ете алмайды.

Газшылардың жұмысына деген тұрғындардың көңіл толмаушылығы көп-ақ. Тіпті қарапайым халықты былай қойғанның өзінде, аймақтық бизнес өкілдері мен қалалық маслихат депутаттарының өздері де монополистердің жұмысына төмен баға беруде. Өйткені тарифтердің кенеттен көтерілуі мен алдын ала төлемақыны талап ету секілді ережелер енген жаңа келісімшарт көпшіліктің тарапынан сауалдардың көбеюіне әкеп соқтырды.

Копылова Зина:))
- Қазір қаламыздағы механикалық зауыт қабырғасында Ақтөбе мен Батыс қазақстан облысы арасындағы бәсекелестікті қорғау жөніндегі "Республикалық Аймақаралық Агенттік" қызмет атқаруда. Түсірілім тобымыз аталмыш агенттікке барып, "ГазТрансгазАймақ" АҚ-ның өз тұтынушыларынан талап етіп отырған қызметінің заңдылығын білген еді.

Осылайша, аталмыш инспекция мамандары қала мен облыс тұрғындарына, өз құқықтарын біле жүріп, оны толыққанды пайдалану мүмкіншілігін жіберіп алмауды ескертеді. Өйткені үй ішіне көгілдір отынды кіргізу қызметін атқаратын маманды таңдап алу әр азаматтың өз еркі. Әрі ол үшін тұрғыннан алдын ала төлемді талап етуге ешкімнің де құқы жоқ.