Әлеуметтік жобаларға 40 млн. АҚШ доллары бөлінді

Қарашығанақты игеріп жатқан «ҚПО б.в.» компаниясы облысымыздың әлеуметтік жобаларын жүзеге асыруға 40 млн. АҚШ долларын бөлді. Бұл ақша салынып жатқан газтурбиналы стансыдан электр желісін тартуға жұмсалады.

Новенький ауылынан басталып, Орал қаласына дейінгі ауыл-ауданды қамтитын электр желісінің құрылысы жаңадан бөлінген 40 млн. доллар қаржының 5,1 млн. доллары есебінен толықтай аяқталады. Аталмыш стансыдан облыс орталығына дейінгі қашықтықты қамтитын жылу жүйесін тартуға 8 млн. доллар қарастырылып отыр.
Сонымен қатар, шетелдік қаражат есебінен қаланың ескі әуежай аумағында 1200 орындық мектеп пен 320 бөбекке арналған балабақша ғимараты тұрғызылмақ. Тағы бір жағымды жаңалық - әлемдік стандартқа сәйкес жабық теннис корты да осы маңда орналасатын болады.