Миллиардерлер тізімі

Forbes журналы жыл сайын түгендеп отыратын миллиардерлердің тізіміне биыл Қазақстанның бес азаматы кірді. Бұл жолы аталған тізімге қазақстандықтар ішінен 49 жастағы Владимир Ким көш бастап тұр, оның 3 млрд 700 млн доллар қаржысы бар;

Ал 56 жастағы Алиджан Ибрагимовтің байлығы 3 млрд 300 млн долларға бағалануда;
43 жастағы Тимур Кулибаев пен 42 жастағы Динара Кулибаеваның және 44 жастағы Нұржан Субханбердиннің байлығы шамалас, олардың әрқайсысы $1 млрд 100 млн көлемінде бағаланған байлықпен енді.
Қазақстанда "Арселор Миттал" деген белді кәсіпорыны бар Лакшми Митталдың байлығы 28,7 млрд долларға бағалануда. Ол бұл тізімде әлем бойынша 5-орында тұр. Айта кетелік, мұнайға бай Кувейт елінде тек бір ғана миллиардер тіркеліпті.