Экологиялық кодекстің қауқары

Еліміздегі көптеген өндіріс компаниялары қоршаған ортаны зиянды қалдықтармен ластауын доғарар емес. Ал астамсып кеткен алпауыт кәсіпорындарды тәртіпке шақырып, тиісті талаптарды заң аясында орындауға міндеттеуі тиіс экологиялық кодекстің қауқары жоқ. Өйткені, құжат әзірге, қағаз жүзінде қалып отыр.

Сондықтан еліміздегі экологиялық ахуалды оңалту үшін Еуропалық Одақтың тәжірбиесін зерделеу ұсынылып отыр. Бүгін осы мақсатта арнайы дөңгелек үстел ұйымдастырылып, шетелдік экологтардың жобасы талқыланды. Меймандар атмосфералық ауаға тасталатын қалдықтарды азайту мен экологиялық саясатты тиімді жүргізудің жолдарын айтып, озық тәжірбиелерімен бөлісті. Ал басқосуға қатысқан халық қалаулылары қоршаған ортаны бүлдіріп отырғандарға салынатын айыппұл мөлшерін екі есеге өсіру керек, деп мәлімдеді.
ВЛАДИМИР НЕХОРОШЕВ - ҚР ПАРЛАМЕНТІ МӘЖІЛІСІНІҢ ДЕПУТАТЫ

Қазіргі таңда кәсіпорындар экологиялық талапты мүлдем орындап отырған жоқ . Сондықтан талап мен бақылауды күшейте түсу қажет. Ауаны зиянды қалдықтармен ластап отырған өндіріс ошақтарына салынатын айыппұл көлемін де, арттыру керек деп ойлаймын.))