Күйініштің күйігі

Астана қаласында "Нұр Отан" партиясының кеңсесінің алдында 50 жастағы әйел адам өзін-өзі өртеп жібермек болды. Дәл осы сәтте партияның қоғамдық қабылдауында салық комитетінің басшысы Дәулет Ерғожин азаматтарды қабылдап жатқан болатын. Өзінің үстіне бензин құйып өртемек болған әйел адам осыған дейін оның қабылдауында болыпты.

Өз бизнесінің өрге жүрмейтінін білген ол күйініп, осы қадамға амалсыздан барды дейді куәлер. Кейін бұл азаматшаның Оңтүстік Қазақстаннан келгені анықталды, қазір оған ем-дом жасалуда.
ЗКТ: Астанада «Нұр-Отан» партиясы ғимаратының алдында 50 жасар әйел үстіне бензин шашып, өзін - өзі өртеп жіберуге әркеттенді. Осы сәтте партия ғимаратында салық комитетінің төрағасы Дәулет Ерғожин тұрғындарды қабылдап, шағымдарын тыңдап жатқан болатын. Әйел Ерғожиннің қабылдауынан шыққаннан соң, өзін-өртеп жібермекші болған. Бірақ, азаматшаның ісіне күзетшілер кедергі келтірмек болғанда өрт оларды да шарпыпты. Денесін күйік шалғандар дереу ауруханаға жеткізілген. Оңтүстік Қазақстан облысынан Астанаға бизнестегі проблемалары туралы арыз айтып келген әйел мәселесі шешілмегендіктен осындай әрекетке баруға мәжбүр болғанын айтады.