Диқандардың үміті

Қыста қардың көп түсуіне байланысты оралдық диқандар биылғы егіннен мол үміт күтіп отыр. Сырым ауданында егістік көлемі 70 мың гектарды құраса, соның 2 500 гектары күздік бидайдың үлесінде. Бұдан бөлек, 67 700 гектарға дәнді және бұршақ тұқымдас дақылдар егілмек.

Бұған қажетті тұқым қоры 7 579 тоннаны құрайды. Қазір шаруа қожалықтарында сақтаулы тұрған 3 227 тонна бидай-арпа, 72 тонна қыша тұқымы бар. Дегенмен, Сырым және Тасқала ауданында тұқым тапшы, қазір бұл аудандарға 4 мың тонна көлемінде тұқым жетіспейді.
«Ауыл шаруашылығын қаржылай қолдау қоры» арқылы несие алуға 22 шаруашылықтан 40 млн. теңгеге сұраныс түсіп, құжаттар жинақталып жатыр. Бұл 1 300 тонна тұқымды қосымша сатып алуға мүмкіндік береді. Сондай-ақ егіс науқанына 1214 тонна жанар-жағар май қажет. Жалпы, биыл өңірде 504 мың гектарға жаздық дәнді, 42,3 мың гектарға майлы және 9,2 мың гектарға картоп пен бау-бақша дақылдарын егу көзделіп отыр.
Аманбай Отарбаев
ТИТР: Бас маман
Тұқым жетпесе, ШҚО мен Украиндан сатып аламыз...))
________________________________________