Кадрлық ауыз-түйіс

Мемлекет басшысы ешкім күтпеген кадрлық өзгерістер жасап, кейбір министрліктерді қайта құрып, жаңартты. Мәдениет министрлігі өз алдына дербес отау тікті. Бұл мекемеге Мұхтар Құл- Мұхаммед жетекшілік етпек. Ал ақпарат саласы байланыс секторымен бірігіп, Байланыс және ақпарат министрлігі болып жасақталды.

Мемлекет басшысы ешкім күтпеген кадрлық өзгерістер жасап, кейбір министрліктерді қайта құрып, жаңартты. Елімізде индустрия және жаңа технологиялар министрлігі құрылып, оны Әсет Исекешев басқаратын болды. Және ол вице-премьерлік қызметті қоса алып жүреді. Сонымен қатар, бүгінен бастап Мәдениет министрлігі өз алдына дербес отау тікті. Бұл мекемеге Мұхтар Құл- Мұхаммед жетекшілік етпек. Ал ақпарат саласы байланыс секторымен бірігіп, Байланыс және ақпарат министрлігі болып жасақталды. Жаңа министрлікке бұдан-былай «Қазақтелеком» компаниясының бұрынғы президенті Асқар Жұмағалиев басшылық етеді. Сондай-ақ, елімізде мұнай - газ министрлігі де, пайда болды.

Снх: СНХ - НҰРСҰЛТАН НАЗАРБАЕВ ҚР ПРЕЗИДЕНТІ

МӘТІН: Ендігі жерде бюджеттік жоспарлауды Қаржы министрлігі өз құзыретіне алады. Ал тағы бір жаңадан жасақталған Экономикалық даму және сауда министрілігін Жанар Айтжанова басқаратын болды. Осылайша, ол Үкіметте министрлік портфелін қолына ұстаған екінші әйел адам атанды.

СТЭНДАП: ЕРБОЛ СЕЙІЛХАН - ТІЛШІ
Ал Жанар Айтжановаға орнын босатқан енді байырғы экономика және бюджеттік жоспарлау министрі Бақыт Сұлтановтың қандай қызметке тағайындалары әзірше белгісіз. Бірақ, Елбасы Сұлтановқа жайлы орын тауып беруге уәде етті. Ал министрліктердің атауы өзгеріп, қайта жасақталғанымен 2 шенеуніктен басқасы, өз креслоларын сақтап қалды.
________________________________________