Келіссөздерден кейінгі келіссөздер

Италяндық «ЭНИ» компаниясы «Қарашағынақ» кен орнын игеруге қатысты жаңа жобаларға қатысуға әзір. Алайда , бұл бағыттағы келіссөздерді бекіту неге екені белгісіз кешеуілдеп жатыр. Бұл жайында бүгін Италияның еліміздегі өкілетті елшісі мәлімдеді.

Сенатта өткен халықаралық ғылыми - практикалық конференцияда бұдан басқа Қазақстанның Еуроодақ елдерімен сауда-экономикалық қарым - қатынасы да, кеңінен сөз болды.

МӘТІН: «Қарашығанақ» кенішінің 3 бөлігін игеру жөніндегі келіссөздер тым ұзаққа созылып кетті. Негізінде ол жыл басында басталуы тиіс болатын. Қазір атауы өзгерген мұнай және газ министрлігінде қайта құрылымдау шарасы жүріп жатыр. Сондықтан шенеуніктер «Қарашығанақ» мәселесін әзірше, кейінге шегеріп қойғанға ұқсайды.

ИНТЕРШУМ...

МӘТІН: Ал Италияның еліміздегі өкілетті елшісі Антонио Паскуино бүгін сенаторлардың алдында «ЕНИ» компаниясының атқарып жатқан жұмыстарын мақтанышпен баяндап берді. Әсіресе, компанияның әлеуметтік салаға құйған инвестициясын айтуға келгенде кеңінен көсілді. Елші ресми РИМ «Қарашығанақты» игеру жөніндегі жаңа жобалардан бас тартпайды деп, түйіндеді сөзін.

ИНТЕРШУМ...

МӘТІН: Ал ауылшаруашылық саласында Еуроодақ мемлекеттерімен 11 бағыт бойынша инвестициялық жобалар жүзеге асырылып жатыр. Еліміздің басты серіктестері Германия, Голландия, және Франция. Соңғы жылдары төл экономикаға 24 млд инвестиция құйылған. Бірақ, ауылшаруашылығына қыруар қаржыдан бұйырғаны тек тиын - тебен ғана. Жағдайдың енді оңалатын түрі бар.
СНХ: МАРАТ ОРАЗАЕВ - ҚР АУЫЛШАРУАШЫЛЫҒЫ МИНИСТРІНІҢ ОРЫНБАСАРЫ

МӘТІН: Сондықтан барлық сала бойынша сауда - экономикалық әріптестікті одан сайын жандандыру Қазақстанға да Еуроодақ елдеріне тиімді. Еуропа - бізден дайын шикізат алуды көздесе, ал Қазақстан жаңа технологияларды үйренуге ықыласты.