Төтенше жағдайдың алдын-алу

Өткен сенбі күні қалалық әкімшілікте қала әкімінің орынбасары Серікқазы Оразалиевтың басшылығымен ауа райының қолайсыздығынан өңірімізде орын алып отырған жағдайға байланысты кеңейтілген жиын өтті. Жиында көктемгі су тасқынының алдын алуда қандай жұмыстар жүргізіліп жатқаны және төтенше жағдайға байланысты болжамдар сөз болды.

- Қыс бойы жауған қалың қардың салдарынан қаладағы ғимараттар мен жеке секторлардағы үйлерді су алып кете ме деген қауіп бар,- деді кеңесті ашқан қала әкімінің орынбасары Серікқазы Оразалиев. - Ауа-райын болжаушылардың ақпары бойынша, таяу күндерде күннің күрт жылынуынан қар жаппай тез еруі ықтимал. Бұл да алаңдаушылық туғызып отыр. Осыған байланысты, мүмкін болатын күрделі жағдайға алдын-ала дайындалу қажет екені айтылды кеңесте.

ИНЕРШУМ

Қалалық ТҮКШ бөлімі бастығының міндетін атқарушы Нина Фоминых қалада су тасқынына қарсы құрамында 28 адам бар комиссия жұмыс жасап жатқанын жеткізді. Комиссия мүшелері қазір қалалық төтенше жағдайлар басқармасы мамандарымен бірлесе жұмыс жасап, жағдайды бақылауда ұстап отыр. Алайда, бұл - көктемгі су тасқанының зардапсыз өтуіне кепілдік бере алмайды. Сондықтан олар жеке сектордағы әрбір үйдің, әрбір мекеменің өз аулаларын, маңайын қардан тазартуын сұрайды.

ИНТЕРШУМ

Семейде қар мөлшері ерекше жиналған 39 көше бар. Қар көп жиналған Комсомол, Шығыс, Мирный кенттері мен былғары-мех комбинаты, ескі аэропорт маңайы және басқа аудандарға тексеру жүргізілді. Жиында қар шығаратын, көшелердегі қар суын тазалайтын және қосымша қажетті техникалар мөлшері анықталды. Осыған дейін қаладан 38 мың текше метр қар шығарылған, бұл биылғы жауған қардың шамалы ғана мөлшері.


ИНТЕРШУМ

Тағы бір атап көрсетерлік жайт - қалалық ТҮКШ бөлімінде су тасқыны кезеңінде атқарылатын жұмысты ұйымдастыратын диспетчерлік пункт құрылды. Көктемгі су тасқынына байланысты қандай да бір жағдай туындай қалса, қала тұрғындары 56-33-52 телефонына хабарласуына болады. Кеңесте меншіктің барлық нысанындағы ұйымдар мен мекемелер, оқу орындарының басшыларына қысқа мерзім ішінде өз аумағын қардан тазартуға тапсырма берілді.

Ермек Исабаев, Нұркен Тоқмұрзин ШАБ