"Жігіт сұлтаны" байқауы өтті

Наурыз мейрамы қарсаңында қазақ халқының салт-дәстүрін, әдет-ғұрпын кеңінен баян ететін сайыстар жиі өтіп тұрады. Солардың бірі ердің ерлігі мен өрлігін сарапқа салатын " Жігіт сұлтаны" байқауы. Бүгін Абай атындағы әмбебеп кітапханада қала колледждерінің студенттері осы байқауда өнер көрсетті.

"Жігітке жеті өнер де аз",- дегендей, ел қорғаны ер- азаматтарымыздың бойындағы өнерін сарапқа салатын "Жігіт сұлтаны" байқауына қаламыздағы Абай атындағы әмбебеп кітапханамен тұрақты байланыс жасап тұратын орта арнаулы оқу орындарының студенттері қатысты. Олардың арасында Семей заң, радиотехника және байланыс, бизнес колледждері мен №9 лицейдің оқушылары бар.

СНХ Гүлмира Аязбаева
Кітапхананы дамыту секторының меңгерушісі

Жыл сайын өткізілетін дәстүрлі сайысқа, оны ұйымдастырушы кітапхана ұжымы тыңғылықты дайындалған екен. Байқауға қатысушыларға қойылған талаптар жылдағыдан өзгеше, ұйымдастырушылар көрермендердің наурызды анық сезінуі үшін мерекелік дәм "наурыз көже" де әзірлепті. Ал биылғы сайыстың жаңа шарттары да жоқ емес.

СНХ Гүлмира Аязбаева (шарттары туралы)

Бүгінгі өнер сайысы - "Жігіт сұлтаны" байқауына қатысушылардың бірі- Бағлан Әлімжанов. Еліміздің оңтүстік аймағынан білім алуға келген өнерлі жігіт бүгінде Семей заң колледжінің 2-ші курс студенті. Байқау шарттары бойынша қатысушы 8 түрлі сыннан сүрінбей өту керек. Бағлан сайысқа тыңғылықты дайындалған және ол бұл сайыстың берері жоқ емес,- дейді.

СНХ Бағлан Әлімжанов
сайысқа қатысушы

2 жарым сағатқа созылған сайыстың қорытындысын шығаратын сәт те жетті. Сарапшылар алқасының шешімі бойынша бас жүлдені Радиотехника және байланыс колледжінің студенті Болыс Ермантай жеңіп алды. Екінші және үшінші орындар Семей Бизнес колледжінің студенті Нұрсұлтан Бәшербаев пен Семей заң колледжінен Ербол Жапатаевқа бұйырды.

Ермек Исабаев , Дидар Қоқанов ШАБ