Ш. Уәлихановтың туғанына 175 жыл

Қазақтың белгілі ғалымы, әдебиет зерттеушісі, этнограф, саяхатшы Шоқан Уәлиханов 19-шы ғасырдың 2-ші жартысында қазақтың демократиялық-ағартушылық бағыттағы тұңғыш өкілдерінің бірі. Құйрықты жұлдыздай аққан қысқа болса да жарқын өмірінде өшпестей із қалдырған ғалымға арналған конференция Семей құрылыс колледжінде өтті.

Шоқан шығармалары қазақ халқының рухани ізденістерінің жарқын көрінісі, Шоқанның өмірі мен еңбегінің қоғамдық ой- сана, пікір- тұжырымдардың өркендеуіне ықпалы еркеше болды. Кейінгі ұрпаққа баға жетпес мұра қалдырған ғалымның этнографиялық тарихи зерттеулерінде қазақ халқының болмысына, әдет ғұрпы, салты мен санасы, нанымдарына терең талдау жасалған.

СНХ: Мұхаметқазы Мұхаметқалиұлы
Этнограф - тарихшы

Ғалым қазақ халқының әдебиетін талдап, топтасытырып, оған өз тарапынан құнды пікір айтқан тұңғыш оқымысты. Ұлы ғалымның бай, бағалы да құнды мұралары оның құлашы кең әдебиет зерттеушісі екеніне ешбір күмән туғызбайтынын анықтайды.

СНХ: Мұхаметқазы Мұхаметқалиұлы
Этнограф - тарихшы

Конференцияға колледж студенттері мен ұстаздары және ЖОО-ның ғалымдары қатысты. Құйрықты жұлдыздай ағып өткен ғалым еңбектерінің құндылықтары мен мазмұнын өздерінше зерттеп, талдаған студенттер Шоқан шығармаларын жаңа бір қырыннан таныды деуге болады.

СНХ:Надира Уақаева
Қазақ тілі және әдебиеті пәнінің мұғалімі

Ғалымның хаты өлмейді деген міне осы. Шоқанның өмірі мен ғылымыи қызметі ұмытылмақ емес. Ғасырлар өткен сайын ғалым бейнесі тұлғаланып, оның баға жетпес ғылыми зерттеулері келер ұрпаққа әлі талай рухани азық болары сөзсіз.

Ерзат Жанатұлы, Саят Тастанов, ШАБ.