Бизнеске көмек

Ісі өрге баспай, тығырыққа тірелген серіктестіктерге көмек көрсетілмек. Қаржылық дағдарыстан шығар жол таба алмаған компанияларға мемлекеттің қол ұшын созуы мүмкін. Оралдық кәсіпорындардың көңілінен шыққан бұл мәселе облыстық өнеркәсіп және кәсіпкерлік департаментінде талқыға түсті.

Қазір қолданыстағы "Банкроттық туралы заңда" қаржылық жағдайы нашар кәсіпорындарға жеңілдіктер қарастырылған. Банкрот болуы мүмкін бұл компаниялар дер кезінде қамданса, мемлекеттің көмегі арқылы өз жұмысын қайта жандандыруына әбден болады.

Алдан Курмангалиев
ТИТР: "Батыс" төлемтөлеуге қабілетсіз борышкерлермен жұмыс аймақаралық департаментінің жетекшісі
- Бүгінде облысымызда төлем төлеуге қабілетсіз кәсіпорындар қатары жүздеп саналады, қолда бар деректерге сүйенсек, 220 серіктестіктің жағдайы нашар. Бұл мекемелердің тиісті салықты төлемегеніне 3 айдан асқан.))

Борышкер мекеме басшыларының бұл заңнан хабардар болғаны артық етпейді. Сот жағдайы мүшкіл кәсіпорынды банкрот деп танығанға дейін тиісті жерлерге өтініш түсіруіне әбден болады. Бірақ, өкінішке орай, кәсіпкерлердің көбісі заң ұсынып отырған мұндай мүмкіндіктердің бар-жоғынан бейхабар.

Айнагүл Ақашаева
ТИТР: "Атамекен одағы" ҰЭП БҚО атқарушы директоры
- Мұндай жағдайға түскен көптеген кәсіпорындар қайда барып, шағымданатынын да білмейді, Олар үшін алдын ала түсіндіру жұмыстарын жүргізіп жатырмыз...))

Мемлекет қолға алған оңалту шаралары жалған банкроттыққа жол бермейді. Өз ісін өркендетпек болған бірқатар оралдық кәсіпорындар борышынан құтылып, нарықта өз орнын тапқан.

Алдан Курмангалиев
ТИТР: "Батыс" төлемтөлеуге қабілетсіз борышкерлермен жұмыс аймақаралық департаментінің жетекшісі
- Жұмысы тоқырауға тап болған "Омега" зауыты осыдан бірнеше жыл бұрын заң берген мүмкіндіктің арқасында өз ісін қайта жанжандырды. Осылайша, кәсіпорын өзінің 500 млн.тг көлеміндегі борышынан құтылды. Заң шарапатын көрген кәсіпорындар қатарында "Аяз" да бар. Бұл серіктестік өзінің 120 миллион тг көлеміндегі берешегінен арылды.))

Жиынды ұйымдастырушылар ісі өрге баспаған кәсіпкерлерді бірлесе жұмыстануға шақырды. Бұл үшін олар тиісті орындардан уақытылы көмек сұрап, өтініш түсірсе жетіп жатыр.