"Менің халқым" фестивалі

Батыс Қазақстан облысында этно-мәдени бірлестіктер "Менің халқым" атты жаңа фестиваль ұйымдастырды. Фестивальге түрлі ұлыс өкілдері белсене қатысты. Көңілді ән-билермен өрілген тұңғыш фестиваль туралы келесі бейнематериалда толығырақ.

Ақжайық өңірін мекендеген түрлі ұлттық-мәдени бірлестіктердің фестивалі жыл сайын өткізіліп тұрады. Биыл да бірлестік өкілдері төзімді тауысар жиналыстардан бас тартып, көңілсіз отырыстарды концерттік бағдарламамен алмастыруды жөн көріпті. Айта кеткен жөн, жүздееген ұлыстың басын қосқан ассамблея бүгінде Қазақстан үшін бірлік пен татулықтың кепіліне айналған.

Қуанышбай Төлебаев- БҚО ҚХА төрағасының орынбасары.
- Бүгінгі фестиваль барша Қазақстандықтар үшін үлкен мақтаныш. Жиналған тұрғылықты халықтың көп екендігін көріп отырсыздар. Күні бүгін осындай сан түрлі бірлестіктердің бір орталықта татулықпен өмір сүріп отырғанын Ассамблеяның ұзақ жылғы жұмысының жемісі деп те айтуға болады. ))

Қазір облысымызда Ассамблеяның құрамына енген 30-дан астам этно-мәдени орталық бар. Олардың әрқайсысы бүгінгідей фестиваль арқылы өз ұлтының бай дәстүрін көрсетуге асығады. Бүгінгі фестиваль тамашалауға жиналған қалалықтар кештің көңілді өткенін айтты.