Қырғызстан туралы

Қырғызстандағы қантөгіс АҚШ президенті Барак Обама мен Қазақстан басшысы Нұрсұлтан Назарбаевтың Вашингтондағы кездесуінде де көтерілді. Екі жақты жүздесу барысында Нұрсұлтан Назарбаев Бішкектегі жаппай тәртіпсіздікті тыныштандыруға күш салатынын мәлімдеген.

Сондай-ақ, тараптар Ауғанстан, Орталық Азиядағы ахуал туралы да өзара пікір алмасты. Кездесуде Қазақстан Ауған жеріне бағыт алған АҚШ -ң әскери ұшақтарына әуе кеңістігін пайдалануға рұқсат беретіні белгілі болды. Сонымен қатар Барак Обама мен Нұрсұлтан Назарбаев екі жақты экономикалық және саяси байланыстардың қарқынын кеңінен сөз етті. Ал, ертең мемлекет басшысы Нұрсұлтан Назарбаев Вашингтонда өтетін жаһандық ядролық қауіпсіздік жөніндегі саммитке қатысып, арнайы баяндама жасайды деп күтілуде.