Ұлы Жеңістің 65 жылдығына арналған ғылыми жұмыстар

Бүгін Орал қаласында Ұлы жеңістің 65-жылдығына арналған студенттер мен жастар арасында ғылыми-тәжірибелік конференция болып өтті. БҚО ішкі саясат басқармасы мен облыстық "жас ғалымдар" қоғамының бастамасымен ұйымдастырылған конференцияға өңіріміздің арнаулы және жоғары оқу орындарының студенттері, сонымен қатар ҰОС мен тыл ардагерлері арнайы қатысты.

Жиын барысында ағымдағы айдың 5-і күні барлық үміткерлерден жиналған ғылыми жұмыстардың қорытындысы жарияланып, 3 бағыт бойынша бөлінген баяндамалардан 6 түрлі үздік жұмыстар іріктелді. Жақындап қалған жеңіс тойының 65 жылдығы тақырыбында үздік ғылыми жұмыстың авторлары ұйымдастырушылар тарапынан түрлі бағыттағы дипломдармен марапатталды. "Жас ғалым" қоғамы төрағасының айтуынша, бүгінгідей бастамалар жастар үшін өте маңызды. Өткенсіз болашақты болжай алмайсың, демекші, туған жерінің тарихынан толыққанды хабардар болған әрқашан артық етпейді.

Жамал Мақсатова- "Жас ғаым" қоғамының төрағасы
- Бүгінгі шарамыздың басты мақсаты-жастардың бойындағы патриоттық сезімдерін оятып, ұлы отан соғысының тарихын ардагерлердің ауыздарынан естігендері де жақсы. Өйткені қазіргі күні жеңіс мерекесін тойлаушылар көп болғанымен, оның маңызын түсінетіндер өте аз. Тек әйтеуір мереке деп тойлай салған қате емес пе, оның қалай келгенінен де хабардар болу қажет.))