Ұлт көшбасшысы

Нұрсұлтан Назарбаевтың өміріне жасалған қастандық - террорлық қылмыспен пара-пар. Және ондай әрекетке барған адам өмір-бақи түрмеге қамалады. Пезидентке «ұлт көшбасшысы» мәртебесін беруді толық мақұлдаған Мәжіліс депутаттары заңға осындай толықтырулар енгізу жайында да бастама көтерді. Тақырып бойынша бейнематериал бар.

Назарбаев - Ұлт лидері.

Бұдан бөлек халық қалаулылары Назарбаевқа Астанадан мүсін орнатып, тұңғыш президенттің мұражайын ашуды да ұсынды. Ал бұдан-былай Елбасының суретін қорлап, атына еш дәлелсіз сын айтқан адамдар да қылмыстық жауапкершілікке тартылуы мүмкін. Бұл үшін қылмыстық кодекске түзету енгізу де, көзделіп отыр.
Розақұл Халмұрадов
ҚР Парламенті мәжілісінің депутаты:
Заңды қызметіне кедергі жасауға, сондай-ақ, тұңғыш президент Елбасының суретін білдіруге, көпшілік алдында қорлауға және қадір-қасиетіне, өміріне қол сұғуға жол берілмейді. Мұндай әрекет заңмен қудаланады.
Бұған дейін қандай бір әрекеті үшін қазіргі президентті қылмыстық жауапкершілікке тартпау, отбасы мүшелерінің мүлкіне қол сұқпауды да заңмен реттеу ұсынылған болатын. Осының бәрімен келіскен Мәжілісмендер заң жобасын бүгін бірауыздан мақұлдады.
Әмзебек Жолшыбеков
ҚР Парламенті мәжілісінің депутаты:
Егер бұл жобасы Сенат арқылы өтетін болса. Ол кейін президенттің қол қоюына жіберіледі. Ол кісінің оған вето қоюға толық мүмкіндігі бар.
Назарбаев құжатқа вето қоя ма, жоқ па бұл жағы әзірге беймәлім. Бірақ, кейбір аузы дуалы саясаттанушылардың пікірінше, президент заңға қол қоймауы да ықтимал. Бірақ , бұған алдағы уақыт төреші.