«Бизнестің жол картасы -2020»

«Бизнестің жол картасы -2020» бағдарламасы іске асырыла бастады. Ауқымды жобаны қаржыландыруға республикалық бюджеттен 30 млд теңге бөлінді. Отандық кәсіпкерлерге мемлекет арзандатылған несие беруді бастап та кетті. Тақырып бойынша бейнематериал бар.

Ал бағдарламаны жүзеге асыруға міндеттелген мекемелер бүгін өзара келісімге келіп,оны құжат жүзінде бекітіп алды. Онда әр тараптың атқаратын қызметі айқындалып, құқықтары да нақты көрсетілген.
Банк басшылары, кәсіпкерлер қауымдастығы, облыс әкімдіктері мен экономикалық даму және сауда министрлігі өзара келісімшарттарға қол қойды. Осыған сай әр тарап өзіне жүктелген міндеттерді мүлтіксіз орындауы тиіс. Ал ендігі басты мәселе - бюджет бөлген 30 млд теңгенің бірде-бір тиынынан шашау шығармай, тиімді игеру ғана қалып тұр.
Бексұлтан Құрманқұлов
«Даму» кәсіпкерлікті дамыту қоры АҚ басқарма төрағасының кеңесшісі:
Жаңа бизнес бастамаларға қолдау көрсетіледі. Кәсіпорындардың кредиттеріне қолдау көрсетіледі. Және экспортқа өнім шығаруға көмек береміз...
Бизнесмендермен қоян-қолтық жұмыс істеуге екінші деңгейлі банктер әзір. Басшылар ешқандай қағазбастылық пен әкімшілік кедергілерге жол берілмейді,-деп уәде етіп отыр. Оның үстіне несиенің пайыздық мөлшерлемесі де, тым жоғары емес.
Әбіләкім Жұмахметов
«БТА -БАНКІ» басқарма төрағасының орынбасары:
Өзіңіз қараңызшы, егер сіз кәсіпкер болсаңыз, несие аласыз. 12 пайызбен алдыңыз делік, оның 5 пайызын Үкімет төлейтін болса, ақшаңыз қалтаңызда қалмай ма? Ал үнемделген қаржыға басқа бір бизнес ашуыңызға болады. Үлкен мүмкіндіктер жасалып отыр...
«Бизнестің Жол картасы» экономикалық өсімді қамтамасыз етіп, жаңадан жұмыс орындарын ашуға да мүмкіндік береді. Ал мұндай ауқымды жоба ТМД кеңістігін айтпағанда, Еуропа елдерінің бірде-бірінде жоқ екен. Мұндай мәліметтің қайдан алынғанын кім білсін әйтеуір осылай,- деп бүгін көңілі бір марқайған Мәсімов кәсіпкерлерге үлкен жауапкершілік артты.
Кәрім Мәсімов
ҚР премьер – министрі:
7 %, ниже, наверное, ни в одной стране мира на сегодняшний день нет, я даже не уверен что в Европейском союзе есть такие ставки. Все условия созданы. Теперь все в руках бизнеса...
Әр тиынның жұмсалуына дейін есептеп отырған Үкіметтің де ештеңден ұтылғысы жоқ. Өйткені, бөлінген қыруар қаржының қалайда қайтарымы болуы керек. Ал ұзақ талқыланып, әбден сүзгіден өткен «Бизнестің Жол картасы» бағдарламасының қаншалықты нәтижелі болары - алдағы уақыттың еншісінде.