Боз кілемде балуандар

Орал қаласында еркін күрестен облыстық чемпионат басталды. Жарысқа облыстың барлық ауыл-аудандарынан, Атырау мен Арыс қаласының спортшылары қатысуда. Ашық чемпионатқа 1996 жылы туылған және одан кіші барлық санаттағы спортшылар қатысуда.

Жарыстың ережелері олимпиада тәртібі бойынша өткізілуде. Әр спортшы боз кілемде екі мәрте белдесіп, көп ұпай жинағаны жартылай финалға жолдама алады.
Бұл жарыста барлық спортшылар облыстың құрамасына ілігуге тырысады. Жақсы деп таңдалған балуандар қаладағы спорт интернатта жаттығып, болашақта өтетін байрақты бәсекелерде бақ сынайтын болады. Ашық чемпионат мамырдың 16-на дейін жалғаспақ. Жарыс соңында жеңімпаздарға бағалы сыйлықтар мен медальдар табысталады.