Картингистер сайысы

Орал қаласындағы "Жас дәурен" балалар кешенінде картингтен облыстық жарыс өткізілді. Бұл шара жыл сайын дәстүрлі түрде ұйымдастырылып тұрады. Жарысқа қала мектептерімен Зеленов ауданынан келген 40-қа жуық техиникаға әуес өрен қатысты.

«Жас дәурен» балалар кешенінде картингтан жарыс өткізу дәстүрге айналған. Облыста аталмыш спорт түрі қарқынмен дамып келе жатырмасада, жеңіл әрі жүрдек техникаға қызығатын жастар қатары артып келеді. Мамандар сөзінше өңірімізде картингтің техникалық базасының жағдайы мәз емес. Қазіргі техника сонау 70-80 жылдарда жасалған.
Шаймардан Шоңыраев
БҚО балалар техникалық шығармашылығы орталығының директоры:
Негізі біздер 3 жыл қатарынан картинг кубогін жеңіп алып жүрміз. Биылда қолдағы жетістігімізді ешкімге бермейміз деп отырмыз. Бұл жарыста ең бастысы техниканың дұрыс жүруі ғой. Ал техника болса тым ескі, кейде тіпті өзіміз жөнге келтіретін кездер болады.
Техниканың аздығы мына жас өрендердің аталмыш спорт түріне деген қызығушылығына кедергі болып жатпаған сыңайлы. Жастар бос уақытында жүрдек жүретін темір тұлпарларын жөндеумен айналысады, ал жағдайы жақсы картингтер қай сыннан болсын қиналмай өтеді десті жастар.
Жарысқа мектеп жасындағы 18 жасқа дейінгі жастар қатысуда. Ұйымдастырушылардың сөзінше мұндай жарастардың жастарға берері мол. Алайда атап өтер тағы бір түйткіл бар, облыстан танылған жас картингшілер республикалық жарыстарға қаржы жетіспеушілігіне байланысты бара алмай отыр.