Боксшыларымыз топ жарды

Қазақстандық боксшы Серік Сәпиев Ташкентте өтіп жатқан халықаралық турнирдің жартылай финалына шықты. Кеше өткен кездесуде 69 келі салмақ бойынша бокстасқан Серік Сәпиев өзінің өзбек қарсыласы Гайрат Ергашевті үш рет нокдаунға жіберіп, 10:0 есебімен айқын жеңіске жеткен болатын.

Қазақстандық боксшылар Біржан мен Мирас Жақыповтар, Самат Башенов және Данияр Елеусінов, ұпай саны бойынша өзбекстандық қарсыластарына есе жіберіп, награда үшін жарыстардан шығып қалды. Бүгін, жартылай финалдық жекпе-жектерге қазақстандық үш боксшы: Серік Сәпиев, Данияр Үстембаев және Руслан Мырсатаев бақ сынады. Бұдан бұрын хабарлағандай, Ташкентте өтіп жатқан Өзбекстанның еңбек сіңірген жаттықтырушысы Сидней Джаксонды еске алуға арналған бокстан халықаралық турниріне әлемнің 7 елінен 100-ден аса спортшы қатысуда.