Балуан қыздардың жеңісі

Жуырда Үндістанда өткен еркін күрестен Азия чемпионатынан жерлес балуан қыздарымыз жеңіспен оралды. Байрақты бәскеде ел атынан боз кілемде бақ сынаған Ольга Жәнібековамен Гузель Манюрова атты бұрынғы Ресейлік спортшы жеңіс тұғырынан көріне білді.

Балуан қыз – Гузель енді Қазақстан намысын қорғайды.
Әуежайдан балуан қыздарды қарсы алуға облыстық туризм, дене шынықтыру және спорт басқармасының ұжымы келді.
Енді алдағы уақытта Қазақстан атынан күресетін Гузель Манюрова туралы бірер ақапарат беріп кетсек: Бұл спортшы 1978 жылы Мордова елінің Саранск қаласында дүниеге келген. 2002 жылдан бастап РФ құрамасында күресіп, кейін 2004 жылы Еуропа чемпионы атанған. Тап сол жылы Афинада өткен 28-ші олимпиаданың күміс жүлдесін жеңіп алып, 2008 жылы Еуропа чемпионатының күміс жүлдесіне қол жеткізген. Қазір Гузель облыстың бойжеткен балуандарын жаттықтыруға нық дайын екендігін жеткізді.
Гузель Манюрова
Афины олимпиадасының күміс жүлдегері:
Мен үшін Қазақстан атынан күресу үлкен мәртебе. Міне бүгін байрақты бәсекеден бағымыз жанып келіп отырмыз, енді болашақта мен осы жердің жас балуан қыздарын жаттықтырып, ел атынан жарыстарға бармақпын.