Қазақстан мен Түркия – түркі әлемінің қос бәйтерегі

Қазақстан мен Түркия арасындағы сауда айналымын 10 млд АҚШ долларына дейін ұлғайту қажет. Өйткені, бүкіләлемдік қаржы дағдарысы екі мемлекеттің арасындағы сауда-саттыққа өз ықпалын тигізбей қоймады. Соның салдарынан тауар айналымы 1 млд.400 млн долларға дейін төмендеп кеткен.

Бұл мәселелерді реттеу мен басқа салалардағы ынтымақтастықты ілгерілету Ақордада өткен Түркия мен Қазақстан президентерінің кездесуінде жан-жақты талқыланды.
Түркия - біздің елдің тәуелсіздігін тұңғыш мойындаған мемлекет. 1991 жылдан бастап, екі жақты қарым - қатынас еш үзілген емес. Ал Түрік президентінің Астанаға ресми сапармен келуі де, саяси экономикалық байланыстарға соны серпін беруі тиіс. Кеңейтілген құрамдағы кездесуде алдымен тараптар сауда айналымын ұлғайту жөнінде өзара уағдаласты. Өйткені, қаржылық дағдарыс екі мемлекет арасындағы алыс-берісті күрт төмендетіп жіберген.
Нұрсұлтан Назарбаев
ҚР Республикасының Президенті:
Ресми Анкара мен Астана арасында ешқандай келіспеушілік жоқ. Әлемдегі түрлі саяси оқиғаларға да ұстанымдары бір. Оның үстіне барлық саладағы ынтымақтастық та жыл өткен сайын жанданып келеді.
Абдулла Гүл
Түркия Республикасының Президенті:
Түркиялық кәсіпкерлер Қазақстан экономикасына қомақты инвестиция салуға әзір. Бүгін индустрияландыру бағдарламасының жүзеге асу барысы туралы жан-жақты ақпарат алдық. Бұл қолға алынған жобаға біздің елдің бизнесмендері де, асқан қызығушылық танытып отыр.
Абдулла Гүлдің айтуынша, Кедендік Одаққа кірген Қазақстанның нарығы енді кеңейе түседі. Бұл шетелдік инвесторлар үшін тиімді болары хақ. Қос президент экономикалық қана емес, рухани салада да қарым-қатынасты тереңдете беру жөнінде келісімге келді.