Тілге құрмет-елге құрмет

Ғарифолла Құрманғалиев атындағы Батыс Қазақстан облыстық филармониясында "Тілге құрмет-елге құрмет" атты іс-шара оздырылды. Шараға облысымызда тұратын әр түрлі ұлт пен ұлыс өкілдері қатысып, өз өнерлерін көрсетті. "Тілге құрмет-елге құрмет" іс-шарасы "БҚО жаңа толқыны" жастар қоғамдық бірлестігімен ұйымдастырылып отыр.

Шараға облысымыздағы ұлттық мәдени орталық өкілдері шақырылған. Олар қазақ тілінде өлеңдер оқып, ән шырқады. Сонымен қатар, қазақтың ұлттық аспабы - домбыра күмбірлеп, бишілер би биледі. 3-сынып оқушысы Антонина Казанина да бүгін өз өнерін көрсетті. Облыстық, республикалық байқаулардың жүлдегері атанып жүрген өнерлі өрен қазақ тілін ана тіліндей меңгерген. Мемлекеттік тілді дамыту үшін биыл облысымызда 70 млн.тг бөлініпті. Сонымен қатар, қазақ тілін оқып-үйретуді көздейтін жаңа үшжылдық бағдарлама да қабылданды. Ендігі қалғаны - тіл үйренбек болғандардың ынта мен ықыласы ғана.