Ақжайық тағы да есе жіберді

Ұлттық премьер-лига сатысында өтіп жатқан ойындардың екінші айналымында оралдық "Ақжайық" тараздық командамен кездесті. Бұл жолы оңтүстіктен келген тарландар оралдық спортшыларды 3:2 есебімен жеңіп кетті. Ақжайықтықтардың жанкүйерлері ойынға көптеп келді.

Премер-лиганың 12-ші турында кездескен "Ақжайық" пен "Тараз" тартысты ойын көрсетіп, жерлес команданың легионері Мозес Саки ойынның 38-ші минутында есеп ашты. 1:0 - "Ақжайық" алда. Бірінші таймның соңғы минуттарына дейін ақжайықтықтар қарсылас команданың айып алаңында бірнеше шабуылдар жасады. Алайда, ақжайықтық ойыншылардың екпініне қарсы амал жасаған тараздықтар бірінші таймның 79 минутында есеп теңестіре білді. Біздің команданың қорғаныс шебінде қателік кетіп, Тараздың шебер шабуылшысы Қонысбаев голдың авторы атанды. Есеп теңестірілгеннен соң екі команда да екпінмен екі жақтың да қақпасына алма-кезек қарымта шабуылдар ұйымдастырды. Нәтижесінде тараздықтар "Ақжайық" қақпасына тағы бір гол салды. Есеп - 2:1. Алайда, араға бір минут салып "Ақжайық" тараздықтарға тағы бір гол салды. Есеп 2:2. Екі команда тең түсті. Ойын соңына 7 минут қалғанда тараздық теңбіл доп шеберлері "Ақжайықтың" айып алаңында шабуыл жасап, тағы бір голды қақпаға тоғытты. Есеп 3:2. Тараздық команда бұл кездесуді жеңіспен аяқтады.
Андрей Чернышов
Ақжайық ФК бас бапкері:
Ойын өте тартысты өтті. Негізі біздің ойыншыларға тараздықтардан басым түсуге болатын еді. Өздеріңіз көрдіңіз, ойыннның соңғы минуттарына дейін біздің ойыншылар қарсыластардан кем түспеді. Алайда, жеңіс бізге бұйырмады.