Махаббат машақаты

Гагарин көшесіндегі 129-үйде 18 жасар бойжеткен өз өмірін қиды. Оқиға куәгерлерінің айтуынша, қыздың өзіне-өзі қол жұмсауына дос болып жүрген жігітімен арадағы қарым-қатынасы түрткі болса керек. Өйткені тергеу-тексеру амалдарын жүргізу барысында полиция қызметкерлері бойжеткеннің ұялы телефонын тексеріп, соңғы жазылған смс хаттардың бағытын біліпті.

Қазір осы оқиға бойынша, Абай полиция бөлімшесі мен қалалық прокуратура анықтау жұмыстарын жүргізуде.
Педагогикалық университеттің 1- курсын тәмамдаған 18- жасар Элеонора Музапарова таң ертемен жұмыстағы апасына қоңырау шалып, жігітімен арадағы қарым-қатынастарының бұзылғандығын, әрі ол оны масқара етіп, мүлдем хабарсыз кеткендігін айтады. Артынша "апатай мен сені жақсы көрем, мені кешірші", деген смс хабарлама жіберіп, ұялы телефонын өшіріп тастайды. Сіңілісінің бұндай хабарламасынан шошынған әпкесі, үйге жақын маңда тұратын құрбысын, барып жағдайды біліп келуін өтінеді. Араға жарты сағат салып жеткен, құрбысы үйге кіргендегі көріністен әлі де оңалар емес.
Қазір оқиға болған жерде Абай полиция бөлімшесі мен қалалық прокуратура анықтау жұмыстарын жүргізуде. Олардың айтуынша, тексеру барысында қыз денесінен ешбір жарақат табылмаған, сондықтан да әзірше өзіне-өзі қол жұмсады деген пікір қаралуда. Бірден бойжеткенге тиесілі ұялы телефон тәркіленгеніп, ішіндегі смс-хабарламалар тексеріледі. Анықтаушылардың айтуынша, телефондағы соңғы хабарламалардың мәтіні мән беруге тұрарлықтай.
Оқиға болған кезде, көрші бөлмеде тума-құдашасы ештеңе сезбестен ұйықтап жатады. Түні бойы үйде болмай, таңертеңгі сағат 7-лер шамасында келген ол қатты шаршап ұйықтап кетіппін, дейді. Әйтсе де ол ертемен келген кезде Элеонораның жігіті жөніндегі ренішті әңгімесін есітіп үлгерген. Қазіргі таңда жасөспірім қыздың әпкесі мен құдашасы қайғылы оқиғаның орын алуына Подстепное ауылында тұратын "Қайыржан" есімді жігітті кінәлап отыр. Алдағы уақытта анықтау жұмыстарының қорытындысы туралы тағы да хабардар ететін боламыз.



Өртенген үйді кім жөндемек