Газтурбиналы станса іске қосылды

Жаңа экономикалық өрлеуге толы жаңа онжылдық - Қазақстанның тың мүмкіндіктері болмақ. Елбасы жолдауындағы елдің экономикалық өрлеу мақсатында атқарар бірқатар міндеттерін мемлекет басшысы міндет ретінде атап өткенін білеміз. Бүгін сондай маңызды нысандардың бірі газ турбиналық стансаның бірінші блогы іске қосылды.

Ауқымды шара бүкілхалықтық телекөпір арқылы елордамен тікелей байланыста өтті.
Маңызды жобалардың бірі ГТС-54 деп аталатын бұл стансаның ірге тасы 2008 жылы қаланған болатын. Алайда қаржыландыру ісі кешеуілдеп, 2009-жылдың қыркүйегінде ғана қайта жанданды. Бұл жұмыстарға 400-ге жуық жұмысшы жұмылдырылып енді міне газ турбинасының бірінші турбинасы іске қосылды. Жаңа ГТС-тың қуаттылығы 56 Мегаватты құрайды. Үш блоктың әрқайсысының қуаты 18 мегаваттан. ГТС-тен бөлінген жылу осы маңайдан бой көтерер жылыжайлар мен қаланың жаңа ықшамаудандарына жіберілмек.
Аталмыш салтанатты шара Қазақстан бойынша тікелей эфирмен телекөпір арқылы тарап, ел ордадағы ел басымен әр облыстың әкімі бетпе бет дидарласуға мүмкіндік алды. Газтурбиналық станциясы барлық заманауи технологиямен жабдықталған. Қарашығанақ мұнай-газ кенішінен газды қабылдап, оны турбинамен айналдыру арқылы біздің облыс пен қоса сырт облыстарды да жылу және электр қуатымен жабдықтайтын нысанды салуға 45 млн. АҚШ доллары кеткен. Аталмыш нысан өңіріміздегі электр қуатымен жылуды үнемді әрі арзан бағамен таратуға мүмкіндік бермек.
Бүгінде облысымызда жалпы құны 240 млрд. тг құрайтын 40 ірі жоба іске асырылып жатыр. Олардың тоғызы республикалық индустрияландыру картасына енгізілген тың бастамалар. Бұл тоғыз жобаның құны 90 млрд.тг бағаланып отыр. Жаңа ГТС та осының ішінде. Станса тарататын жылудың бір бөлігі осы жерден салынатын жылыжайларға берілмек. Бұл да өңіріміздегі көкөніс бағасын реттеуге мүмкіндік берері анық.