Қоршаған ортаны қадағалау ісі күшейтілмек

Мексика шығанағындағы апаттан кейін Каспийдегі мұнай-бұрғылау жұмыстары қатаң бақылауға алынды. Мұнайдың бір тамшысын да, теңізге тамызбау үшін инвесторларға қойылатын талап күшейтілді. Бұл жайында бүгін Мәжілістегі Үкімет сағатында қоршаған ортаны қорғау министрі Нұрғали Әшімов мәлімдеді.

Бас экологтың айтуынша, бүгінде қоршаған ортаға келтірілетін зиянды азайту үшін кешенді бағдарламалар қолға алынған. Десек те, бұл салада қордаланған проблемалар шаш етектен. Соның бірі - республика аумағында 30 млд тонна өндірістік қалдықтың жиналып қалуы. Министр бұл түйткілді шешу үшін қалдықтарды өңдейтін зауыт салу,- керек деп отыр.
Нұрғали Әшімов
ҚР Қоршаған ортану қорғау министрі:
- Өндірістің қалдықтардың мәселесі тек бүгін ғана айтылып отырған жоқ. Проблема бар, мойындаймын. Ал тығырықтан шығу үшін табиғатты пайдаланушылар озық технологияларды енгізуі тиіс. Мұны да жасамаса, айыппұл көлемін бірнеше есе көтеру керек.