Оралда велосипед ұрлығы жиілей бастаған

Соңғы кездері бұл көлік түрінің қала көшелерінде көбейгені байқалады. Осылайша, өткен аптада екі велосипед ұрлығы орын алған. Қылмыскерлерді қолға түсіру бейнебақылау камераларының көмегімен мүмкін болды.

Тілшіміз толықтырады.

Жедел басқару орталығына қала тұрғыны қоңырау шалады. Белгісіз азамат орталық демалыс және мәдениет саябағында 11 жастағы жасөспірімнің "Стэлс" маркалы велосипедін ұрлап кеткен. Алайда жедел басқару орталығы қызметкерлері ширақ қимылдап, көшедегі бейне бақылау камерасы арқылы әлгі ұрыны қолға түсірді.

Игорь Гуртовой
- Пугачев-Достық көшелерінің қиылысында күдікті 1994 жылғы К. деген азаматты ұстадық. Оның бұрын да ұрлық, тонау секілді заң бұзушылықтар бойынша жауапқа тартылғандығы анықталды. Велосипед иесіне қайтарылып, қазір тергеу жұмыстары жүргізілуде.))

Кейін, дәл осындай оқиға жөнінде орталыққа тағы да қоңырау түседі. Мұнда белгісіз біреу Әбубәкір Кердері көшесі бойындағы дүкен жанында қала тұрғынының көк түсті велосипедін қолды еткен.

Игорь Гуртовой
титр:
- Іздеу барысында Евразия даңғылы бойындағы бейне бақылау камерасы арқылы ұқсас велосипед пен күдікті байқалды. Ұстау барысында жәбірленуші өз көлігін танып, 1979 жылғы К. есімді азамат қолға түсті. Оның да бұрын заң бұзушылықтарға жол бергендігі анықталды. Көлік иесіне қайтарылды, тергеу жұмыстары жүріп жатыр.))

Тәртіп сақшылары қалалықтарға өздеріне тиесілі мүліктерді қараусыз қалдырмауды ескертеді.