Алаяқтан абай болыңыз!

13-шілде күні 72 жастағы зейнеткерге белгісіз біреу телефон шалып, оның ұлы есірткі саудалағаны үшін ұсталғанын хабарлапты. Баласын ауыр жазадан құтқару үшін әлгі жанашыр жан 150 мың теңге көлемінде ақша сұратады.

Алаяқтан абай болыңыз! 13-шілде күні 72 жастағы зейнеткерге белгісіз біреу телефон шалып, оның ұлы есірткі саудалағаны үшін ұсталғанын хабарлапты. Баласын ауыр жазадан құтқару үшін әлгі жанашыр жан 150 мың теңге көлемінде ақша сұратады. Осы уағдаластық бойынша, қария бұл қомақты қаржыны сөзге келместен, банк арқылы Өскемен қаласындағы есеп-шотқа аударады. Кейін тексере келгенде бұл хабардың өтірік екендігі анықталып, кейуана баласының дін аман екендігін бір-ақ біледі. Суыт хабардың жалған болып шыққандығына қуанған зейнеткер кейін тәртіп сақшыларына шағымданыпты.

Гүлжан Қанатова
ТИТР: БҚО ІІД баспасөз қызметінің инспекторы
Қазір күдіктілер іздестіріліп жатыр. Телефон шалған номердің қазір сөндірулі екендігі мәлім болды, оның кімге тиесілі екендігі анықталып жатыр. Сондықтан, аңғал азаматтарға айтарымыз - қандай да бір осындай суыт хабар түскен жағдайда оның өтірік-рас екендігін тексеріп алыңыз. Әйтпесе, жаңағыдай алданып қалуларыңыз ғажап емес.))