350 гектар шабындық өртенді

Тілсіз жау Қазталов ауданында да бас көтерді. Жалын тілі 350 гектар аумақты шарпыды. Дала өрті үш күнге созылды. Тілсіз жау осы ауданның Болашақ ауылдық округі маңынан шығып отыр. Қаза тапқандар мен зардап шеккендер жоқ. Өртті өшіру ісіне жеке өрт сөндіру құрамы мен екі арнайы техника, сондай-ақ жергілікті 37 тұрғында жұмылдырылды.

Тілсіз жау Қазталов ауданында да бас көтерді. Жалын тілі 350 гектар аумақты шарпыды. Дала өрті үш күнге созылды. Тілсіз жау осы ауданның Болашақ ауылдық округі маңынан шығып отыр. Қаза тапқандар мен зардап шеккендер жоқ. Өртті өшіру ісіне жеке өрт сөндіру құрамы мен екі арнайы техника, сондай-ақ жергілікті 37 тұрғында жұмылдырылды. Сонымен қатар, облысымыз бойынша 3 орман өрті тіркелген. Біреуі Ақжайық ауданында, ал екеуі Шыңғырлау ауданында орын алыпты. Төтеншеліктер шаруа қожалықтары және жергілікті әкімдіктермен бірге қауіпсіздік шаралары бойынша жұмыстар жүргізіліп жатқандығын жеткізді.
Нұрболат Мұқажанов
БҚО ТЖД аға анықтаушысы:
- 350 гектар өртенді. Шығу себебі мен шығыны анықталуда. 19-өрт бөлімі жұмылдырылды. Қазіргі таңда облыс бойынша 401 дала өрттері орын алған. 32417 гектар аумақ өртенді.