Трекинде де өрт көп

Зеленов ауданында да өрт өршіп барады. Құнарлы өлкенің далалық алқаптарында тілсіз жау араға күн салып бас көтеруде. Әсіресе табиғаты жанға жайлы осы ауданға қарасты Трекино ауылының маңында жаз бастала оннан астам өрт шығыпты. Ал мамандар бұған көбіне қаладан келген қонақтар мен жауапсыз жүргізушілердің салақтығын кінәлап отыр.

Зеленов ауданында да өрт өршіп барады. Құнарлы өлкенің далалық алқаптарында тілсіз жау араға күн салып бас көтеруде. Әсіресе табиғаты жанға жайлы осы ауданға қарасты Трекино ауылының маңында жаз бастала оннан астам өрт шығыпты. Ал мамандар бұған көбіне қаладан келген қонақтар мен жауапсыз жүргізушілердің салақтығын кінәлап отыр. Ал жуырда Дариян ауылына апаратын тас жолда қарағайлы орман алқабы отқа оранды.
Соңғы кездері Трекино ауылының аймағында 9 өрт оқиғасы тіркелген. Бұл тек ресми тіркелген деректер ғана. Мәселен жуырда Дариян ауылына бара жатқандағы тас жол бойындағы қарағайлы орманды өрт шалған. Өзегі өртке оранған мына қарағайлардың тап осындай биіктікке дейін өсуі үшін кем дегенде 30-40 жыл керек. Өрт сөндірушілердің сөзінше көбіне жол бойындағы өрт оқиғаларының орын алуына жүргізушілердің салғырттығы себеп болып отыр.
Жанға жайлы орман-тоғайы мен жағажайларға бай Зеленов ауданына жыл сайын жазғы мезгілде демалушылар көп келеді. Алайда демалыс орындарында от жағып, өрт қауіпсіздігі ержелеріне немқұрайлы қарағандардың да қатары кемір емес. Бұған қоса тас жолдағы көлік жүргізушілернің жол бойы шылым шегуі өрт оқиғаларының орын алуына себеп болып отырған жәйі бар.
Рамазан Исмағұлов
Трекино ауылының әкімі:
- Барлық бәле қалалықтардан шығады...
Қазір Трекино, Дариян ауылдарында арнайы ерікті топтар құрылып, демалуға келгендерге ескерту жұмыстарын жүргізуде. Бұл бастама ауыл маңдарында жие орын алып жатқан өрт оқиғаларының алдын алу мақсатында жергілікті әкімдікпен ұйымдастырылған.
Исқақ Құсалиев
БҚО ТЖД "Өрт сөндіру және авариялық құтқару қызметі" ММ бас маманы:
- Қазір ауданда 8- шілдеден 31-қазан аралығында төтенше жағдай жарияланды. Барлық өрт сөндіру қызметі құрамы мен техника қазір сақадай сай отырмыз.