Колониядағы қақтығыс

Ақмола облысы колониясындағы тәртіпсіздіктерге қатысқан жазасын өтеушілердің бірі бүгін таңертең қайтыс болды. Ауыр халдегі тұтқын Көкшетаудағы ауруханалардың жансақтау бөліміне жеткізілген. Бұл туралы Ақмола облысының прокуроры Серік Хайруллин мәлім етті.

Ақмола облысы колониясындағы тәртіпсіздіктерге қатысқан жазасын өтеушілердің бірі бүгін таңертең қайтыс болды. Ауыр халдегі тұтқын Көкшетаудағы ауруханалардың жансақтау бөліміне жеткізілген. Бұл туралы Ақмола облысының прокуроры Серік Хайруллин мәлім етті. Естеріңізге сала кетелік, Ақмола облысындағы колонияда шыққан бүлік кезінде екі жазасын өтеуші азамат өзін-өзі өртеп жіберген болатын. Олардың екеуі де Көкшетау қалалық ауруханаларына жеткізілді. Өзіне жарақат салған тағы бір тұтқынның қазір жағдайы ауыр делінуде, әзірге ол дәрігерлердің қадағалауында.
Осыған дейін де хабарлағанымыздай, 12-тамыз күні Гранитный елді мекеніндегі жалпы режимдегі колонияда жазасын өтеушілер бүлік шығарған болатын. Ереуілшілерді тәртіпке шақыру үшін ішкі әскерлердің 120-ға тарта жауынгері және Қылмыстық атқару жүйесінің 60 жасақшысы түрме аумағына енгізілді. Жазасын өтеушілер әскерилерге қатты қарсылық көрсетті. Осы қақтығыс кезінде сотталғандардың біреуі опат болды, ал жарақат алған 71 азамат облыс орталығындағы ауруханаға жеткізілді.
Қамақтағы орын алған жағдай туралы алдағы хабарларымызда көрсететін боламыз.