Кім кінәлі?

Бүгін таңертең сағат 11-лер шамасында "ЭнергоГидМонтаж" мекемесінің контролерін қаладағы үйлердің бірінің тұрғындары аямай сабаған. Аталған мекеменің қызметкері бұл үйдегі электр қуатын есептейтін көрсеткішті қарауға келіпті. Үй қожайыны контролерді ағашпен сабап, жылу құбырларын жөндеу үшін қазылған шұңқырға итеріп жіберіпті.

Бүгін таңертең сағат 11-лер шамасында "ЭнергоГидМонтаж" мекемесінің контролерін қаладағы үйлердің бірінің тұрғындары аямай сабаған. Аталған мекеменің қызметкері бұл үйдегі электр қуатын есептейтін көрсеткішті қарауға келіпті. Үй қожайыны контролерді ағашпен сабап, жылу құбырларын жөндеу үшін қазылған шұңқырға итеріп жіберіпті.
Электр қуатын есептегішті қарауға келген 31 жасар қызметкер алғашында әлгі үйге кіре алмаған. Кейін, үй иелерінен рұқсат алған ол көрсеткішті қарауға кіріседі. Алайда, үй қожайыны контролерге бас салып, қолына түскен ағашпен сабай бастаған. Ағашы қолынан түсіп қалған ол, шарбақтың бір бөлігін сындырып алып, әрі қарай сабауын жалғастырған. Оның үстіне, әлгі келіншектің келіні де сабауды қыздыра түскен.
Света Жүсіпова
Бақылаушы:
- Пошла на ... деп ұра бастады. Одан арғысы есімде жоқ.
Оның үстіне әлгі әйел контролерді жылу құбырларын жөндеу үшін қазылған шұңқырға итеріп жіберіпті.
Ерлан Жүсіпқалиев
"ЭнергоГидМонтаж" ЖШС менеджері:
- Ол әйел ішімдік ішіп алған. Біздің қызметкерге бас салып сабаған және итеріп жіберген.
Ал, сабаған әйелдің жолдасы оқиғаны басқаша айтып отыр.
Николай Мамин
Күдікті әйелдің жолдасы:
- Аулада 2 жастан асқан немерем ойнап жүрген. Контролер оны итеріп жіберді. Сол себепті әйелім оны шапалақпен тартып жіберіпті. Полицейлер менің әйеліммен бірге немеремді де алып кетіпті. Енді, әйелім де ,немерем де жоқ.
Қазір тәртіп сақшылары орын алған оқиға бойынша тексеру жұмыстарын жүргізуде.
Асхат Кабудллин
Орал қ. ІІБ тергеушісі:
- Қазіргі уақытта сот-медициналық сараптамасы жүргізілуде. Соның нәтижесі бойынша заңға сай қажетті шаралар қабылдау жайында шешімдер қабылданатын болады.
Қазіргі таңда қала бойынша қауіпті болса да осындай қызметпен айналысушы 50-ге тарта контролерлер бар.