Жолы болмаған жолаушылар

Жексенбі күні Алматы бағытына ұшпақ болған 4 бірдей жолаушының жолы болмады. 882 рейсі бойынша Алматыға бағыт алған ұшаққа отыра алмаған жолаушылар не себептен өз орындарынан айырылып қалғандығынан бейхабар. Солардың бірі - Зәйтуна Халелова.

Жексенбі күні Алматы бағытына ұшпақ болған 4 бірдей жолаушының жолы болмады. 882 рейсі бойынша Алматыға бағыт алған ұшаққа отыра алмаған жолаушылар не себептен өз орындарынан айырылып қалғандығынан бейхабар. Солардың бірі - Зәйтуна Халелова. Ол Оралға тума-туысқандарына келіпті. Әуежай басшылығына наразылығын білдірген оған тағы да үш жолаушы қосылды. Жолы болмаған жолаушыларға мұндай жағдай билеттердің артық сатылып кеткендігімен түсіндірілуде. "Эйр Астана" компаниясының аймақтық менеджерлері тілдесуден бас тартты. Осылайша, аяқасты туындаған жайсыздықтың себебі белгісіз болып қалды.
Зайтуна Халелова
Жолы болмаған жолаушы:
- Менен бөлек 4 жолаушы ұшақтан қалып қойды, айтқандары артық билетті сатып жіберген. Не істеуге болады? Бүкіл жоспарым бұзылды.
Марзия Уакалиева
Авиабилеттерді сатушы агент:
- Билет артық сатылды деген бос сөз. Қаншама жыл жұмыс жасап келе жатырмын, бұл мүмкін емес нәрсе. Қазір билеттердің барлығы да электронды түрде сатылады. Ал автоматты алдау мүмкін емес.