Құлаған билборд

Бүгін түс ауа Орал қаласында Гагарин көшесінде аспалы жарнама діңгегі сынып, жолға құлады. Үзілген сым бір автокөлікті бүлдіріп, шамын қиратқан, көлік жүргізушісі дін аман. Мамандар жарнама діңгегін аяқасты соққан дауыл желдің кесірінен шорт үзілген деп отыр. Аяқасты болған апаттан кейін осы ауданда көлік кептелісі пайда болды. А

Бүгін түс ауа Гагарин көшесінде аспалы жарнама діңгегі сынып, жолға құлады. Үзілген сым бір автокөлікті бүлдіріп, шамын қиратқан, көлік жүргізушісі дін аман. Мамандар жарнама діңгегін аяқасты соққан дауыл желдің кесірінен шорт үзілген деп отыр. Аяқасты болған апаттан кейін осы ауданда көлік кептелісі пайда болды. Аз ғана уақыттан кейін оқиға орнына жеткен жауапты мекеме қызметкерлері үзілген желіні залалсыздандырды. Ал көлікке келген шығынды осы аспалы жарнама діңгегін орнатқан мекеме төлейтін болады делінуде. Күні бүгін қала көшелерінде осындай 6 құрылғы орнатылған.
Сергей Манновицкий
Орал ҚІІБ ЖПБ инспекторы:
- Бір күннің ішінде осындай бірнеше төтенше оқиға тіркелді. Ихсанов көшесінің бойында жолға терек құлап, көлік қозғалысына кедергі жасады. Араға бірер минут салып, резиденцияға барар жолдағы ағаштардың бірі опырылып құлап, жолды жауып тастады. Қазір апаттың орны қайта қалпына келтірілуде.