Орал аруы

Ақылына көркі сай оралдық арудың есімі белгілі болды. "Орал аруы-2010" байқауында бұл жолы 10 бойжеткен бақ сынады. Байқауға дайындық жұмыстары бірнеше айға созылған. Бұған дейінгі ағымдық сындардан сүрінбей өткен бойжеткендерден үздік ондық іріктеліп, бүгін міне қорытынды сында олардың әрқайсысы жеке-дара сарапқа салынбақ.

Ақылына көркі сай оралдық арудың есімі белгілі болды. "Орал аруы-2010" байқауында бұл жолы 10 бойжеткен бақ сынады. Байқауға дайындық жұмыстары бірнеше айға созылған. Бұған дейінгі ағымдық сындардан сүрінбей өткен бойжеткендерден үздік ондық іріктеліп, бүгін міне қорытынды сында олардың әрқайсысы жеке-дара сарапқа салынбақ. Конкурс басталмай тұрып-ақ арулардың азғана қобалжығаны байқалды, әрине олардың айтуынша, қазылар алқасын таңқалдыру соншалықты оңай шаруа емес. Әрине арулар байқауы қай кезде де көрермендер тарапынан қолдауын жоғалтқан емес. Жерлесіміз Рима Тасқариева бұған дейін "Орал аруы-2008" байқауының жеңімпазы атанса, биылғы сында да бойжеткен үздік үштіктің қатарынан көрінді. Демеушілердің тарапынан тарту етілген сәнді киім-кешек пен қазылар алқасымен қойылған сансыз сұрақтар. Бақ сынаушы бойжеткендер әрбір сәтті пайдаланып, өз мүмкіндіктерін көрсетуден тайынбады, әлбетте келуші қонақтардың айтуынша, олардың әрқайсысы өзінше сұлу. Көп кешікпей қазылар алқасы оннан озық шыққан Орал аруын анықтап, жариялады. Енді ола шаһарымыздың намысын өзге өңірлерде қорғайтын болады.