Ажал алқабындағы қазақтар

"Қазақстандықтар ажал алқабында". Ұлы Отан Соғысы жылдарында майдан даласының ең ауыр шебіне түскен қазақ жауынгерлері туралы жазылған естелік кітап осылай деп аталады. Оралдан іріктеліп, Ақтөбеде жасақталған жүзінші және жүз бірінші атқыштар дивизиясының ел тарихында орны бөлек.

Ажал алқабындағы қазақтар
"Қазақстандықтар ажал алқабында". Ұлы Отан Соғысы жылдарында майдан даласының ең ауыр шебіне түскен қазақ жауынгерлері туралы жазылған естелік кітап осылай деп аталады. Оралдан іріктеліп, Ақтөбеде жасақталған жүзінші және жүз бірінші атқыштар дивизиясының ел тарихында орны бөлек. Бірақ, тарихтың ақтаңдақ беттері ұзақ жылдар бойы бүркемеленіп келді. Тарихшылар мұны түрлі себептермен байланыстырады. Қолбасшы Жуковтың қателігінен болған қырғынды жылы жауып тастамақ болған кеңестік саясат Сталинград үшін болған шайқас туралы ауыз ашқан жоқ. Осыдан бірнеше жыл бұрын ғана "аса құпия" болып саналып келген деректерге қол жетті. Осыдан кейін ғана қан майданның кейбір қалтарыстары туралы ақпараттар біртіндеп жарыққа шыға бастады. Бүгін елімізде жасақталған осы екі дивизия жауынгерлерінің ұрпақтарына аталмыш кітаптың таныстырылымы өткізілді. Кітап қанды қырғынға қатысқан жауынгерлердің естеліктері мен мұрағат деректерінен құрастырылған. Ал кітап авторлары бірнеше жылдық еңбекті жазып, жинақтаудың ауыр болғанын айтады.