Ажал апанының кезекті құрбаны

Тағы да жол апаты. Карев және Мәжит Жүнісов көшелерінің қиылысындағы шұңқырға жеңіл автокөлік түсіп кеткен. Бұл шұңқыр жылу құбырларын жөндеу үшін қазылған екен. Ал оқиға куәгерлері қазылған шұңқырдың айналасы қоршалмағандығын айтады.

Тағы да жол апаты. Карев және Мәжит Жүнісов көшелерінің қиылысындағы шұңқырға жеңіл автокөлік түсіп кеткен. Бұл шұңқыр жылу құбырларын жөндеу үшін қазылған екен. Ал оқиға куәгерлері қазылған шұңқырдың айналасы қоршалмағандығын айтады.
Оқиға түнгі сағат 3-тер шамасында орын алған. "Фольксваген" жеңіл көлігі қиылыстан бұрыла бергенде терең шұңқырға құлап түскен. Ал осы маңда тұратын тұрғындар бұл жердің қоршалмағандығын айтады.
Алексей Агафонов
Қала тұрғыны:
- Мұндай оқиға алғаш рет орын алып отырған жоқ. 23-тамыз күні бұл шұңқырдан шамамен 70-жастағы адам табылған еді. Байқаусызда құлаған шығар, өкінішке орай бақилық болған. Кеше түн ортасында итім қоймастан үріп, мазасыздана бастады. Жолдасым екеуміз оянып кеттік. Келсек, көлік құлап түскен. Осы жерде жүрген куәгерлер арғы беттен келе жатқан көлікті көрген. Бірақ, көлік бір кезде жоғалып кетіпті. Қараса, шұңқырда жатыр дейді. Шұңқырдың айналасы қоршалмаған, ал жақын жерде тіпті мектеп те орналасқан.
Қырық жасар азамат көлік ішінде жалғыз болыпты. Оны дереу жедел жәрдем көлігімен алып кеткен.
Наталья Хорошкина
Жапа шегушінің жұбайы:
- Жолдасым көлікті айдап келе жатқан. Өзінің айтуынша, тоқтатып үлгермепті. Жиенін үйіне апарып тастап, үйге қайтып келе жатқан еді.
Қазір жапа шегуші үйінде емделуде, алған жарақаттан бетінде үлкен терең тыртық пайда болған.
Георгий Хорошкин
Апаттан жапа шегуші:
- Байқамай қалдым. Жөндеу жұмыстары аяқталған шығар деп ойладым. Көлікті қатты айдап та келе жатпаған едім. Сол маңдағы көмектескендерге алғысымды айтам.