Үйі өртенген үйелмендерге көмек

Ет комбинаты көшесіндегі өртенген 5-үйдің тұрғындарына көмек көрсетілді. Жергілікті әкімдік тұрғындарды уақытша баспанаға орналастырып, тұрғын үйді тазалауға жәрдем берді. Бұл үй өткен жұма күні тілсіз жаудың кесірінен зардап шеккен болатын.

Үйі өртенген үйелмендерге көмек
Ет комбинаты көшесіндегі өртенген 5-үйдің тұрғындарына көмек көрсетілді. Жергілікті әкімдік тұрғындарды уақытша баспанаға орналастырып, тұрғын үйді тазалауға жәрдем берді.
Бұл үй өткен жұма күні тілсіз жаудың кесірінен зардап шеккен болатын. 26 пәтерлік үйдегі 1 пәтер толығымен өртеніп кетсе, қалған пәтерлер бүлінген. Өрт 73 жасар Пелагея Нестерованың үйінен шыққан. Сол күні тұрғындар Гагарин көшесіндегі жолды жауып тастап, көмек көрсетілетіндігіне күмән келтірген еді. Дегенмен, қалалық әкімдік қажетті шараларды уақытында қабылдады.
Елтай Жаманғарин
Орал қалалық ТҮКШ ЖК және АЖ бөлімінің бастығы:
- Үлкен жастағы кісі өзіне-өзі тұра алмайтын болып тұр ғой. Кәрілер үйіне орналастыруды қарап жатырмыз. Уақытша өзіміздің бос орындарымызға орналастырдық. Автобуспен апардық. Айналасын жинауға көмектестік. Әлеуметтік қорғау бойынша әр жанұяға көмек көрсетілетін болады.
Қазір өртенген үй ыстан арылып, пәтерлер толығымен күл-қоқыстан тазартылған.
Аяжан Ақболатова
Үй тұрғыны:
- Акиматтан сол күні келді. Фонд адаптации мен Атамекенге жіберді. Тамақтарды беріп жатыр. Жақсы бәрі. Горсобестің бастығы қасымызда таңға дейін жүрді. Ертеңіне келсек мусорларды жинап жатыр. Какой-то результат бар. Материалдық көмекке бүгін құжат тапсырдық. Көмектесеміз деп әкімнің өзі де айтты. Айтқанмен, коридорды істемей, ештеңе істей алмай отырмыз. Ашық тесік бәрі де. Сол күтіп отырмыз. Коридорды бастаса екен деп отырмыз. Басқалай ақша бәрі де бөлінеді деп айтып жатыр.
Қазір тұрғындар үйлерін жинастырып, қалыпқа келтіруде. Қалалық әкімдік өкілдері ақшалай көмек көрсетілетінін де айтыпты. Бұл қаражатқа тұрғындар үйін жөндемек.