Қаржы полициясы

Елімізге пайда табу үшін келген қырғыз елінің азаматы пара бермек болғаны үшін ұсталды. Ол облысымызға жеке сапармен келіп, қаламыздағы кафелердің бірінде аспаз болып жұмыс жасаған көрінеді. Бірақ, бұл қызметін ол көші-қон парағында көрсетпеген.

Елімізге пайда табу үшін келген қырғыз елінің азаматы пара бермек болғаны үшін ұсталды. Ол облысымызға жеке сапармен келіп, қаламыздағы кафелердің бірінде аспаз болып жұмыс жасаған көрінеді. Бірақ, бұл қызметін ол көші-қон парағында көрсетпеген. Осы кереғарлықты анықтаған БҚО ішкі істер департаменті көші-қон полициясының қызметкеріне ол 50 мың теңге көлемінде пара ұсынады. Ақыры ол параның бір бөлігі 5 мың теңгені беріп жатқан кезінде қаржы полициясының қолына түсті. Кейін қырғыз елінің азаматы Шәміл Бубузовқа қатысты қылмыстық іс қозғалып, ісі сотқа жіберілді. Мамандар дерегінше, еліміздегі көші-қон тәртібін бұзу дерегі кездесіп тұрады.
Құрмет Жайжанов
БҚО ЭСЖҚКД инспекторы:
- Орал қалалық сотының үкімімен Ш.Бубузов ҚР ҚК 312-бабы 2-бөлімі (пара беру) бойынша кінәлі деп танылып, 6 айға бас бостандығынан айыруға, жазасын жалпы тәртіптегі түзеу колониясында өтеуге сотталды.