Көркемсөз оқу шеберлерінің сайысы

Бүгін қаламызда мәнерлеп өлең оқушылардың сайысы оздырылды. Оралхан Бөкей атындағы 12-байқауға бұл жолы он сайыскер бағын сынады. Биылғы сайыс үш кезеңнен тұрады.

Бүгін қаламызда мәнерлеп өлең оқушылардың сайысы оздырылды. Оралхан Бөкей атындағы 12-байқауға бұл жолы он сайыскер бағын сынады. Биылғы сайыс үш кезеңнен тұрады.
Танымал жазушы, драматург, аудармашы әрі журналист Оралхан Бөкей атындағы облыстық байқау аймақта бұған дейін де ұйымдастырылған болатын. Биылғы сынға 15 талапкер үміт білдіргенімен, 10-ы ғана қатысып отыр. Ұйымдастырушылардың айтуынша, кезекті сайыстың ерекшеліктері де жоқ емес. Басты ерекшелік- байқаудың ауқымының кеңеюі мен қатысуға ниет білдіруші аудан азаматтарының артуы.
Гүлнар Әлжанова
БҚО тілдерді дамыту басқармасының бас маманы:
- Биыл Қаратөбе мен өзге де аудандар қатысып отыр. Тіпті тамаша, сайысты ұйымдастырудағы басты мақсат- өнерлі таланттарды анықтау, өйткені бұл сыннан сүрінбей өткендер Астана қаласына жолдама алатын болады.
3 сатыдан құралған сайыстың алғашқысында- қатысушылар танымал ақын-жазушылардың прозалық шығармаларынан үзінді оқыса, кейін кезек драмалық туындыларға да келіп жетті. Соңғы кезеңде сайыскерлер жазушы өлеңдерін мәнерлеп оқып, қазылар алқасы мен көрермендердің көңілін жаулап алуға тырысты. Алдағы уақытта облыстық тілдерді дамыту басқармасымен ұйымдастырылған байқаудың жеңімпаздары республикалық жарысқа жолдама алатын болады.