Елордада елміздегі ең үздік тауар көрме-байқауы басталды

Индустрия және жаңа технологиялар министрлігі ұйымдастырып отырған шараға республика бойынша 150 кәсіпорынның тауары ұсынылды. Әр облыстан 9 фирмадан келді. Оның ішінде азық-түлік, құрылыс материалдары, отандық автокөлік жинақтары, тағысын тағы.

«Қазақстанның үздік тауары - 2011» байқау-көрмесі сапалы өнім өндіріп, халықаралық сапа менеджментін сәтті енгізіп жүрген отандық өнім өндірушілерді қолдау мен ынталандыру мақсатында құрылған.Мемлекет басшысының индустриализацияландыру бағдарламасы негізінде 139 жаңа өндірістер ашылды. Мемлекеттік бағдарлама бойынша жүздеген өндірістер қайта жаңғыртылды. Осы бағдарламаның аясында жұмыс істеген кәсіпорындар бүгін өз өнімдерін көрмеге ұсынып отыр. Бұл Тәуелсіздіктің 20 жылдығына жасалып отырған тарту деп бағалады Индустрия және жаңа технологиялар министрі Әсет Исекешев. Байқаудың қортындысы бойынша, олардың арасынан «Өндірістік мақсаттағы үздік тауар», «Тұрғындарға арналған үздік тауар», «Ең үздік азық-түлік тауары» аталымдары бойынша жеңімпаздар анықталатын болады. Байқаудың жеңімпаздары «Алтын сапа» мен «Парыз» сыйлықтарының лауреаттарымен бірге 9-ы желтоқсан, яғни Индустриализация күні марапатталады деп күтілуде. Ең үздк кәсіпорын ретінде Батыс Қаақстан облысынан таңдалып алығандарлың бірі «ӘЛІМ» ЖШС болып отыр.

ЕРЖАН БАҚТИЯРОВ - «ӘЛІМ» ЖШС БИЗНЕСТІ ДАМЫТУ БОЙЫНША ДИРЕКТОРЫ