Алматы метросы - жылдың ең үздік жобасы.

Бүгін Астанада Елбасының қатысуымен өткен Индустрияландыру күні аясындағы телекөпірде Нұрсұлтан Назарбаев шаһардағы жер асты жолына жоғары баға берді.

Индустрия картасы бойынша елімізде ағымдағы жылда және алдағы уақытта бас аяғы 609 жоба іске қосылмақ. 179 мыңнан астам жаңа жұмыс орны ашылады деп күтілуде. Бұл қыруар іске ел қазынасынан 9 триллионнан астам теңге бөлініпті. Бүгін осы бағдарлама аясында ашылған бірнеше жобаны Елбасы телекөпір кезінде іске қосты. Олардың қатарында Қорғас-Жетіген теміржолы, Шарын өзеніндегі Мақат су электр стансасы, Байсерке ет өңдеу комбинаты бар.

2010 жылы 152-ден астам жоба жүзеге асырылып, 23 мың адам жұмыспен қамтамасыз етілді. Бұл игі иске 800 миллиард теңге бөлінген. Ал 2011 жылы 75 жоба іске қосылып, 35 мың адам еңбекке тартылыпты. Биылғы жылы іске қосылған жобаларға 900 миллард теңгеден астам қаржы кетіпті.

ГРАФИКА
2010 ЖЫЛ:
152 ЖОБА ІСКЕ ҚОСЫЛДЫ.
23 МЫҢ АДАМ ЖҰМЫСПЕН ҚАМТАМАСЫЗ ЕТІЛДІ
БҰЛ ЖОБАЛАРҒА 800 МИЛЛАРД ДОЛЛАР ҚАРЖЫ КЕТТІ

2011 ЖЫЛ:
75 ІРІ ЖОБА ЖҮЗЕГЕ АСЫРЫЛДЫ.
35 МЫҢ АДАМ ЖҰМЫСПЕН ҚАМТЫЛДЫ.
БҰЛ ЖОБАЛАРҒА 902 МИЛЛИАРД ТЕҢГЕ КЕТКЕН

Ал, 2011 жылдың басты жобасы - Алматы метрополитені. Бүгін осы метрода шаһар басшысы Ахметжан Есімов Елбасыға қаланың бүгінгі экономикалық ахуалымен таныстырып, есеп берді...

АХМЕТЖАН ЕСІМОВ АЛМАТЫ ҚАЛАСЫНЫҢ ӘКІМІ
- Индустриялық даму картасы бойынша қалада 28 жоба жүзеге асырылды. Бұл іске бюджеттен 258 миллиард теңге жұмсалды. Жүзеге асырылыған жобалардың ішіндегі ең ірісі Алматы метросы болып отыр. Қазір индустриялы карта барысында Алматы метросының екінші бөлігі салынып жатыр.

Шаһар басшысы 2015 жылға дейін метроның екінші кезеңі аяқталады деп уәде берді Елбасыға. Ал Алматының бас-аяғын қамтитын жер асты жолының үшінші бөлігін 2017 жылы іске қоспақ. Қазір бюджеттен бұл құрылыстарға арналған барлық қаржы бөлініпті. Ахметжан Есімов метро күніне 30-40 мың адамға қызмет ететінін баса айтты. Тек алғашқы Үш күнде қала қазынасына метродан 10 миллион теңге пайда түседі екен. Ол қаржының жартысы келесі кезектегі құрылыс жұмыстарын жұмсалмақ.