Қазақстанда "доңыз" тумауы жоқ

Бірақ, Қытаймен шекарадағы бақылау күшейді. Еліміздің бас санитары бүгін елордада осындай мәлімдеме жасады. Жандарбек Бекшин былтырмен салыстырғанда биыл тұмау тұрғындарды тұншықтырмады дейді. Суық түскелі тұмауды республика бойынша 415 мың адам жұқтырған.

Олардың жетпіс пайызы 14 жасқа дейінгі жасөспірімдер. Бекшин, күн шығыс елімен арадағы бекеттерде күзет қауіпсіздік мақсатында күшейтілді дейді. Себебі, қазір Қытайда доңыз тұмауынан 3 адамның көз жұмғаны белгілі. Ал, Оңтүстік Қазақстан облысында да осы қатерлі дерт белең алды деген ақпарат расталмады дейді дәрігер.

ЖАНДАРБЕК БЕКШИН
ҚР БАС САНИТАРЛЫҚ ДӘРІГЕР
- ОЌО тұмаудың қарапайым маусымдық түрі ғана тіркелуде. Онда да үш жџкті әйелден табылды. Олар ауруханаға жатып, емделіп, жазылып шыќты.

Депутат боламын деп, бірақ қызу тартысқа жетпей тізімнен түсіп қалғандар сайлау комиссиясының үстінен шағымданған. 18 арыздың барлығында: комиссия шешімі заңсыз - делініпті. Бүгін журналистерді жиып есеп берген прокурорлар құжаттарды жіті сараладық, үміткерлер расымен салық декларациясын дұрыс толтырмаған деп қадады.

ЕҢЛІК БАЙТҰҚБАЕВА, ПРОКУРОРДЫҢ КӨМЕКШІСІ
- Сайлау кезінде қала соттарына 33 өтініш түсіп, 23 өтініш қанағаттандырылмады, 2 өтініш қанағаттандырылды. Соттармен 6 өтініш қайтарылды, 1 өтініш қараусыз қалдырылды, 1 талап арыз қабылданды. Апелляциялық сот коллегиясымен 6 сот актісі қаралды. Кассациялық сот коллегиясымен 1 сот актісі қаралып, өзгеріссіз қалдырылды.

Заңның заңдылығын бақылайтын орган алып шаһар Алматыда сайлау заң талаптарына сай өтті дейді. Тіпті халықаралық бақылаушылардың өздері саяси доданы жоғары бағалаған. Ескертетін жайт, сайлау барысын еліміздің ең ірі деген 10 қаласында 2 мыңнан астам тәуелсіз бақылаушы бақылады

ЕҢЛІК БАЙТҰҚБАЕВА, ПРОКУРОРДЫҢ КӨМЕКШІСІ
- Халықаралық бақылаушы Эндрю Мак Интим сайлау барысында қала прокуратурасының жасалған жұмысын жағымды бағалады. Қала прокуратурасында бірнеше рет кездесу барысында сайлау компаниясы туралы қажетті материалдар мен деректерді, арыздар мен өтініштерді қалау нәтижесін дер кезінде алып отырды.

Жалпы, сайлау күні республика аумағындағы прокуратура органдарына 536 шағым түскен. Олардың 64-і Парламент Мәжілісі, қалған 472-сі маслихат депутатығынан дәмелі үміткерлерден тсүкен. Прокуратура шағымдардың деншілігі "негізсіз", саяси дода толықтай заң шеңберінде өтті деп қортылады жиындарын.