Мемлекет пен баспа ісі

Тоқырау деуге келмесе де, Қазақстанның баспа ісінде кемшіліктер толып жатыр. Мұның бір себебі кеңестік дәуірдегі қалыптасқан тәжірибелердің жойылуы. "Ал оның орнына отандық баспа ісіне қатысты ортақ жүйе қабылданбады" - дейді қазақстанның халық жазушысы, "Жалын" баспасының директоры Бексұлтан Нұржекеев

Баспа ісі тек тендер өткізумен шешілмейді. Кітап тек сауда ғана емес.Бұл сонымен қатар әдебиет, бұл мәдениет, бұл идеалогиялық сала" - дейді Бексұлтан Нұржекеев. Оның айтуынша кеңес дәуіріндегі талай сыннан өтіп қалыптасқан тәжірибелерден бас тартпау керек. Ал ол жүйе жойылда Ал орнын басатын отандық жүйе жоқ.


Бұрын «Қазақ кітап» деген ұйым болған. Ол бізге тақырыптық жоспар бойынша «қанша кітап сатып алатындығы» туралы мәлімет беретін. Соның тапсырысы бойынша біз сонша дана шығаратынбыз. Ақшасын бізге артынша аударатын. Әрі қарай ұйым кітаптың үстіне бағасын қосып сата ма, оны өзі біледі. Сонымен қатар әр облыста, әр ауданда бұл ұйымның кітап дүкені болатын. Көлігі болатын. Шығаратын газеті болатын. Оның барлығы жойылып кетті. Содан ақсап жатқан жағдайымыз бар. Қыбыр-қыбыр тіршілік бар. Бірақ көңіл тұшытпайды.