Төртінші биліктің тағдыры

«Бұқаралық ақпарат құралдары» туралы Заңға өзгерістер мен толықтырулар енгізу туралы Мәдениет және ақпарат министрлігінің Парламентке ұсынған жобасына қарсымыз" , - дейді Қазақстан Журналистер Одағының президенті Сейітқазы Матаев. Соған орай маусымның 24-інде Алматыда БАҚ өкілдері қатысқан митинг өтеді.

«Бізде екі жол қалды, бір жол – қоғамға айту, екіншісі – президентке хат жолдау», - дейді Сейітқазы Матаев. - Сондықтан, рұқсат сұрап, Алматы қаласының әкіміне хат жолдадық. «Сарыарқа» кинотеатрының артындағы алаңға жиналуға рұқсат берілді. Бірақ тәртіпке жауап бересіңдер, - деп талап қойылды. Келістік. Ал, президентке хат жолдаудағы үмітіміз - осыдан екі жыл бұрын Ақпарат министрлігі мен Үкімет тарапынан ұсынылған жобаны Мәжіліс те, сенат та қабылдады, ал президент тыйым салды. Біз де соған сеніп отырмыз. Біз, журналистер, халыққа, елге жау емеспіз. Елде бәрі жақсы болсын деп қызмет етеміз».